මා දුටු සොකරි

පසුගිය නොවැම්බර් 30 වැනි දින ශිල්ප සයුර ( අප ) සමූහය විසින් සංවිධානය කර තිබූ සොකරි මංගල්‍යය බැලීමී. ඒ අත්දැකීම පිළිබඳ යමක්‌ නොලියම බැරිය. මන්ද යත් එවැනි වෙනස්‌ අත්දැකීමක්‌ පිළිබඳව යමක්‌ ලිවිය යුතුමය. එය අප මේ ගෙවන ව්‍යාකූල දිවියට ඇත්ත වශයෙන්ම Change එකක්‌ විය. කොළඹ 7 දී මෙය රඟ දැක්‌වූවද මදකට හෝ මේ කොළඹදැයි මට නොහැගිණ.. ඒ හෝරා කිහිපය ඇත්ත වශයෙන්ම ගමේ ජීවත් වුණෙමි. ගැමි දිවියේ සරල බාවයත් නගර දිවියේ සංකීර්ණත්වය අතර ඇති පරතරය කෙතරම් දැයි මට හැගිණ.

ඇත්තෙන්ම කෙතරම් අගනා ජන සංස්‌කෘතියක්‌ අපට හිමිදැයි හැගී යන්නේ මෙවැනි විරල ජන නාටකයක්‌ හෝ ගැමි නැටුමක්‌ නෙත ගැටුනු විටය. එවැනි දෑ රැකගත යුතුයැයි අපට හැගෙන්නේද එවැනි අත්දැකීමක්‌ ලද විට පමණි.

අද ඕනෑම යමක්‌ ජනප්‍රිය කරවීම ජනමාධ්‍ය වලට සුළු කාරනයකි. අවාසනාවට අප සතු කිසිම මාධ්‍යක්‌ මෙවැනි ගැමි නාටක හා ජනනාටක වලට එවැනි ජනප්‍රිය භාවයක්‌ හෝ ඒ ගැන දැනුවත් කිරීමක්‌ කිරීමට උන්න්දුව අවමය. ජනමාධ්‍ය මගින් ප්‍රචලිත කරවා අද කරලියට එන "තරු" ප්‍රසංගයක එක්‌ විනාඩි කිහිපයක්‌ සඳහා අයකරන මුදලට වඩා 90% අඩු මුදලකට මෙම ගැමි නාටක කණ්‌ඩායම එළිවෙනතුරු එය රඟදැක්‌වූ අයුරුනම් ප්‍රසංශනීයයි.

ශ්‍රී ලංකා සංචාරක මන්ඩලයේ වෙබ් අඩවිය ගැනයි.

ශ්‍රී ලංක සංචාරක මණ්‌ඩලයේ නිල වෙබ් අඩවිය තුලින් බලාපොරොත්තු විය යුත්තේ.. හැකි තරම් සංචාරකයින් ලංකාවට ගෙන් වා ගැනීමට කටයුතු කිරීම බව ඔබත් මමත් සියළු දෙනා දන්නා සරල කරුණකි. කරුණාකර එම වෙබ් අඩවිය මදකට නරඹන්න.. එහි මුල්පිටුවේ ඉහලින්ම පෙන් වා දී ඇත්තේ..

ලංකාවේ අනුරාධපුර ගුවන් තොටුපල ත්‍රස්‌තවාදීන් විසින් ආක්‍රමණය කර ඇති බවයි..

ලංකාව එන්න හිතාගෙන ඉන්න සංචාරකයෙක්‌ ඉතින් එයිද නිල වෙබ් අඩවියේ ඉහලින්ම මෙසේ කියද්දී.. මෙය පසුගිය මාසයක කාලයක්‌ තිස්‌සේ මෙම වෙබ් අඩවියේ ඉහළින් පළකර තිබේ.. කරුණාකර මෙයට අදාල කවුරුන් හෝ මේ ගැන දැනුවත් කරන්නේ නම් මැනවී.

බ්ලොග් වෙනුවට කෙටිකතා

සිංහල බ්ලොග් කියවීම මගේ විනෝදාංශයක්‌ .
හරි පුදුමයි http://www.queen.lk/ එකේ තිබුණ කෙටි කතාව කියවලා බ්ලොග් වලට වැඩිය කෙටිකතා කියවීම රසවත් කියලා හිතුණා. ඔයාලත් කියවල බලන්න " කේක්‌ ව්‍යාපෘතිය " ( http://www.queen.lk/?p=61 ) කියන කෙටිකතාව. හැමදාම අළුත් දෙයක්‌ කරන නිරංජන් ට තවතවත් කෙටි කතා ලිවීමට සියලු ශක්‌තිය ධෛර්යය ප්‍රාර්ථනා කරනවා.

අයියනායක කවි පන්තිය

අදටත් මා සමග ජීවත් වෙන සිංහල පෙළ පොතේ කවිය

සෙවනැළි අවදි නොමවන වැවු ඉවුරු කොනේ
කාලය විසින් හෑරූ නුග ගසක බෙනේ
මල කා කළුව ගිය ආයුධ කැබලි පෙනේ
දෙවියෙක්‌ නැතද එහි බලයක්‌ තිබෙනු දැනේ

වගබලා ගැනීම හෙවත් care

ඔබ ගැන දස දෙනෙකු වගබලා ගනීනම්
මමද ඒ අතරින් එකෙකු වෙමි..
ඔබ ගැන වගබලා ගන්නේ එකෙකු නම්
ඔහු මම වෙමි...
ඔබ ගැන වගබලා ගැනීමට කෙනෙකු නොවීනම්
එහි අරුත
මා මේ ලෝකෙයෙන්.....
තුරුන් ව ගොස්‌ ඇති බවයි...

රන්දුනු කවි

රාළගේ පොත

ඉතාමත් සිත්ගත් සිංහල වෙබ් අඩවියක්‌ ගැනයි මේ දැනුම් දීම.
දැන්නම් ඉතින් කම්මැලි නැතුව කෙටිකතාවක්‌ කියවන්න පුළුවන් වෙබ් එකේම..
වසන්ත දුක්‌ගන්නාරාළ, එහෙමත් නැත්තම් දුකා, නොහොත් රාළගේ අළුත්ම හා එකම පොත දැන් වෙබ් එකේ තියනවා..
එහි ඔහු ලියූ එක්‌ කවියක්‌ මගේ හිත ගත්තා කොපමණද කියනවානම්
මට මහ පුදුම සතුටක්‌ දැනුනා...
ඒක සඳහන් වෙන්නෙ මෙන්න මෙහෙම....

මාතෘකාව : කෙටි දුර ධාවන ශූරියට ලියූ පෙම් කවිය

කවිය :
ඔබ දුවන්නේ
කෙටි දුරයි

මාතෘකාවට වඩා කවිය කොටයි. කොයි තරම් අපූරුද?

විඩාවක්‌ දැනන වෙලාවට කියවන්න.. මෙන්න නියම අන්තර්ජාල පොත...
http://rala.info.lk

සිරස සුපර් ස්‌ටාර් අළුත්ම සින්දු

කවුරු මොනවා කිවුවත් මොන තරම් කතා හැදුවත්, කොයි විදිහකට විනිශ්චයන් ලැබුනත් සිරස සුපර් ස්‌ටාර් වැඩසටහන මටනම් හරිම ඉස්‌තරම්. මම නම් මේ වැඩසටහන බලා හොදින් විනෝද වෙනවා. කාලෙකට පස්‌සේ බ්ලොග් එකේ ලියන්න හිතුනත් පුදුම කම්මැලිකමක්‌ දැනෙනවා..මෙන්න මේ වෙබ් අඩවිය මගින් ඔයාලටත් පුළුවන් සිරස අන්තිම් 12 දෙනාට හදපු අළුත් සින්දු අහන්න. මගේ නම් මෙවර සුපර් ස්‌ටාර් අමිලා නදීශානි..
මෙන්න සින්දු අහන්න පුළුවන් වෙබ් අඩවිය

http://www.malkoha.com/home.php?xp=914&xl=1&xs=s]rs+s[pr~s\t`r~+2&content=Music+Equipment&xv=Sirasa+Super+Star

තවත් නව සිංහල බ්ලොග් වියුණක්‌

රංජන් ගේ සිතුවිලි නමින් නව සිංහල බ්ලොග් අඩවියක්‌ මා නෙත ගැටුනා. ඉතා හරවත් ලිපියකින් හොඳ ආරම්භයක්‌ රැගෙන එන මේ වියුණ සටහන් පෙළ පිළිබඳ දැනුවත් කිරීමකි මේ...
http://balagolla.blogspot.com

ආදරණීය අප්පච්චිට

පිය පදවිය ලදදා...
මමද අත් වින්දෙමි
මා ඉපදුනු දා
ඔබ ලද සතුට සොම්නස

සමුගත් නමුදු
අපේ ලෝකෙයෙන්
කියන්නෙමි ඔබට ඇසෙන ලෙසින්
ලොවට හඞගා...
මමත් පියෙකි අද අප්පච්චි

මම උත්තරීතර පිය පදවිය ලදිමි

ජූලී මස 29 දින මගේ ජීවිතයට වැදගත් සන්ධිස්‌ථානයක්‌ සනිටුහන් කරමින්,
මගේ බිරිඳ මට පුත් කුමාරයෙක්‌ දායාද කළා.. මේ සතුට කියා නිම කිරීමට බැරි තරම් ය. පසුව විස්‌තර හා පින්තූර ඉදිරිපත් කරන්නම්.

රෝස මලෙන් පාට අරන්
පිච්ච මලේ සුවඳ අරන්
සුරංගනා ලොවක ඉඳන්
මගෙ පුතු ගෙදරට ආවා...

නව සිංහල බ්ලොග් අඩවියක්‌

සෙනෙහස නමින් නව සිංහල බ්ලොග් අඩවියක්‌ විවෘත කර ඇත.
http://senehasa.blogspot.com

මුහුදු පතුල යට ඉඳලා

මුහුදු පතුල යට ඉඳලා
මුතු ඇටයක නිදි කරවා
පෙන කැටියක පා කරලා
මගෙ දෝතට පුතු ආවා

හදවතින් අප යුද බිමේ ඔබ තනි කලේ නැත කිසි දිනේ

තොප්පිගල මුදාගනිමින් මුළු නැගෙනහිර පලාතම විජයග්‍රහණය කල අපගේ විරෝධාර රණවිරුවන්ට පිදෙන හදපිරි උත්තමාචාරයයි මේ..
වන ලැහැබේ, දුරු කතරේ, දිවි ගෙවනා අප මිතුරේ...ඔබ අපේ ශක්‌තියයි..ඔබ අපේ ජීවයයි.. ඔබ අපේ වර්තමානය මෙන්ම අනාගතයද වේ..

බලශක්‌ති කළමනාකරණය

බලශක්‌ති කළමනාකරණය ගැන කතා කරන විට අපගේ ව්‍යාපාරවල භාවිතයට ගන්නා සියලු බලශක්‌ති ප්‍රභවයන් වෙත අවධානය යොමු කළ යුතුය.
මේ අතරට විදුලි බලය, එල්. පී. ගෑස්‌, ඩීසල්, පෙට්‍රල් සහ වෙනත් පෙට්‍රෝලියමි නිශ්පාදන මෙන්ම, ගල් අඟුරු, දැව සහ වෙනත් විවිධාකාර ඉන්ධන ප්‍රභවයන්ද අයත්ය. බලශක්‌ති කළමනාකරණයේ අරමුණ වන්නේ මේ සෑම සමිපතක්‌ම වඩාත් කාර්යක්‍ෂම ලෙස භාවිතාව තුළින් ඔබගේ ආයතනයේ බලශක්‌ති වියදමි හැකි පමණින් අවම කර ගැනීමය. එලෙසම පරිසරය රැක ගැනීමට දායක වීමයි. බලශක්‌ති කළමනාකරණය බොහෝ විට ඉතා සරල ක්‍රම වලින් ක්‍රියාවට නැගිය හැකිය.

උදාහරණ ලෙස පහත සඳහන් දේ සළකා බලන්න. එ සෑම එකකින්ම ඔබගේ බලශක්‌ති වියදම පාලනය කරගන්නට අවස්‌ථා ඔබට හිමි වේ.

• වායු සමීකරණ යන්ත්‍ර හරිහැටි ක්‍රියාත්මක වේදැයි සොයා බැලීම.
• අනවශ්‍ය විටදී විදුලි බල්බ නිවාදැමීම.
• හැකි හැම විටම වායු සමීකරණ වෙනුවට විදුලි පංකා භාවිතය.

මේ ගැන උනන්දු වීමෙන් කරන කුඩා වෙනස්‌ කමි තුළින් විශාල වියදමි වළක්‌වාගන්නට ඔබට අවස්‌ථා උදාකර ගත හැකිය.

ශ්‍රී ලංකාවේ මාධ්‍ය නිදහස

මේ දිනවල නිතර දෙවේලේ ප්‍රවෘත්ති වල අහන්නට දකින්නට ලැබෙන එක්‌ කාරණයකි මාධ්‍ය නිදහස. මාධ්‍ය නිදහසක්‌ නැතියැයි පවසමින් සමහරක්‌ මර හඩ නගති. නමුත් ඒ උද්ඝෝෂණ ඉතාම පහසුවෙන් තම තමන්ට අයත් නාලිකා, පුවත් පත් මගින් ඉදිරිපත් කරති. ඔවුන් මර හඩ නගන තරමට මාධ්‍ය නිදහසක්‌ නැතිනම් කෙසේද මේවා පල කරන්නේ ?

රජයේ මාධ්‍ය රිසිසේ රජයට අවශ්‍ය පුවත් පල කරති. එවාගේම සෙසු මාධ්‍ය තම පක්‍ෂග්‍රාහිත්වය මත තමන්ට රිසි සේ තම පුවත් පළකරති. එක්‌ පෞද්ගලික නාලීකාවක ප්‍රවෘත්ති වැඩසටහන පිළිබඳ දැන්වීමක ඔවුන් ලෝකෙට ගිනි තියයි. ගිනි අවුළුවා තබා බුද්ධියෙන් විමසන්නැයි ලොවට කියයි..

අපේ රටේ මාධ්‍ය නිදහස වැඩියැයි මගේ හැගීමයි.

හිටියොත් හොඳට හැදී දෙවියොත් නමට වඳී....

ඔංචිල්ලා තොටිලි කොහින්දෝ
රන් සළුපිලි වළලු කොහින්දෝ
දොයි දොයි පුත ලපටි බිලින්දූ
රන් කඳ රැක දේවී සුරින්ඳූ...

රුසිරෙන් සරු මල්සර පරදා
නුවනින් ගණපති ලෙස සැමදා
තෙරුවන් වැඳ දෙවියන් පුදලා
මිනිසුන් මැද මිනිසෙකු වීලා
හිතමින් මවගේ කතා - දොයි දොයි දොයිය පුතා

සලකණු පර පණ තම පනසේ
හොර බොරු නොකරනු කිසි දවසේ
ඉපදුණු රට දැය සහ සමයයි
රැක මල පසුවද නම නොමැකෙයි
හිටියොත් හොඳට හැඳී - දෙවියොත් නමට වඳී

මේ සින්දුව අහද්දී මහා පුදුම හැඟීමක්‌ මගේ සිතට දැණුනි. ඒ කෙබඳු හැගීමක්‌ දැයි මට නොහැගේ.මහා සතුටක්‌ මිශ්‍ර දුකක්‌ එහි විය. මෙහි පදරචනය ඊට ගැලපෙන තනුව හා සුජාතා අත්තනායක මහත්මියගේ හඩට මගේ සිත නැළවෙන දරුවෙකු ගේ තත්වයට වැටින.

මේවා කොතරම් අගනා ගීතද ? මේ වගේ වටිනා ගීත දහස්‌ ගණන් අප සතු වුණත්... අනේ අපේ තරුණ පරපුර කකුල් දෙකට විතරක්‌ ගීත අහන හැටි.. මනස කොතරම් විකෘති වෙලාද කියල කීවොත් අර EMINEM ගේ I'm So Sorry Mom කියන ගීතයට මෙලෝ හසරක්‌ නැතුව නටනවා.. නමුත් ඒක විදින්න පුලුවන් සින්දුවක්‌ ද? " මට සමාවෙන්න අම්මේ මම අද රෑට අම්මා මරනවා " කියලා අදහස්‌ කරන ගීතයට පිස්‌සු විකාරෙන් නටනවා මම අනන්ත දැකලා තියෙනවා..
ඒත් ඉතින් ගිය නුවණ ඇතුන් ලවාවත් අද්දන්න බෑනේ.

හිටියොත් හොඳට හැදී දෙවියොත් නමට වඳී....

පොසොන් පොහොය දින

මෙවර පොසොන් පොහොය දිනයේ මා දුටු විශේෂත්වය වූයේ දන්සල් ය. මගේ ජීවිතේට මෙවර තරම් දන්සල් ප්‍රමාණයක්‌ කොළඹ දී නොදුටුවෙමි. උදාහරණයක්‌ ලෙස කොට්‌ටාව සිට සිද්ධමුල්ල දක්‌වා ඇත්තේ කිලෝමීටර 5ක දුරකි. මේ අතරට දන්සල් 30 කට වැඩි ප්‍රමාණයක්‌ දුටිමි සහභාගී උනෙමි.

මේ සතියේ කල දසාව - මකර ලග්නය ( මගේ ලග්නය )

ජූලි මස 01 සිට ජූලි 07 දක්‌වා
මිශ්‍ර පල විපාක ලබයි. ආදායම් ලැබුණ ද වියදම් පාලනය කිරීම තරමක්‌ අසීරු විය හැක. හවුල් කටයුතුවලදී තරමක්‌ ප්‍රවේශම් විය යුතුය. විටෙක ආකූල ව්‍යාකූලතාවන් ඉස්‌මතු කළ හැක. ගෙදර දොර කටයුතුවලදී ද යුගදිවිය සම්බන්ධ කටයුතුවලදී ද ප්‍රවේශම් සහිතව කි්‍රයා කළ යුතුය. කෙසේ වුවත් සමාජයේ කිසියම් ස්‌ථානයකට පත් වේ. අන්‍යයන්ගේ සැලකිල්ලට ලක්‌ වේ. ඉවසීමේ බුද්ධිමත්ව ක්‍රියා කළ යුතුයි.

සතියේ කලදසාව සිංහලෙන් බලන්න කදිම තැන..
http://www.malkoha.com/astro/

අහසේ හමුවන තැන කොතැනේ..

සියොතුනේ උතුරින් මෙහි එන පියඹා
සියතුනේ දකුණින් එහි යන පියඹා
උතුරේ දිනු ගම් පිරා..
දකුණෙ උන් හා..
අහසේ හමුවන තැන කොතැනේ..

ඇන්ඩා ගේ මේස්‌ කුට්‌ටම

ගුරුතුමිය : ආ ඇන්ඩර්සන් ඔයා හරි අමුතුම විදිහේ මේස්‌ කුට්‌ටමක්‌ ඇඳගෙන. එකක්‌ රතු පාට අනික කෝල පාට..මොකද මේ?

ඇන්ඩා : ඒක තමයි ටීචර් හරි අමුතුයි. මට මේ වාගේම තවත් මේස්‌ කුට්‌ටමක්‌ ගෙදර තියෙනවා.

පොයියන්ගම

"පොයියන්ගම" මේ වචනෙ දැක්‌ක ගමන් ඔබ තුස්‌නිම්භූත වූවාට සැකයක්‌ නැත. අපේ ගම් වල අභාවයට යන තවත් පැරණි වචනයක්‌ මතක්‌ වුණා. පොයියන්ගම කියලා කියන්නේ විකාර නටනවා ( පිස්‌සු කෙලිනවා ) කියන එකට. මට මතකයි අපේ කිරි අම්මා අපි මොනා හරි විකාර වැඩ කරන විට මේ මොන පොයියන්ගමක්‌ ද කියලා කියනවා.

ඒ වගේම ඔය ඉස්‌සර ගම්වල පෙන්නන නාඩගම් වල නාට්‍ය කාරයන්ටත් පොයියන්ගන් කාරයෝ කියලා කියනවා. හැබැයි ඉතින් එහෙම කියන්න ඇත්තේ විකාර නැටුම් නිසාම නොවෙන්නත් පුළුවන්.

රසල් ඔබට සුභ පැතුම්

ශ්‍රී ලංකා ක්‍රිකට්‌ කණ්‌ඩායමට මහා මෙහෙවරක්‌ ඉටුකරමින් නම්බුකාර විදිහට ජාත්‍යන්තර ක්‍රිකට්‌ පිටියෙන් සමුගත් ඔබ විස්‌තර විචාරකයෙකු හැටියට ඔබේ දස්‌කම් මැනවින් ඉටු කරනු දැකීම අපට මහත් ආඩම්බරයකි. ප්‍රවීණයන් අතර ඔබේ විස්‌තර විචාරයේ ආධුනිකයෙක්‌ ලෙස කිසිවෙකුට නොහැඟෙන පරිදි ඔබගේ විස්‌තර කථනය ශ්‍රී ලංකා ක්‍රිකට්‌ වලට මහත් අභිමානයක්‌.

ඔබට දීර්ඝ ගමනකට උණුසුම් සුභ පැතුම්

මහෙලගේ මස්‌තේ කැඩූ බර්මියුඩාවේ තඩියා

ක්‍රිකට්‌ ලෝක කුසලාන තරගාවලියට ආධුනිකයන් උනත්, මෙවර ලෝක කුසලානයේදී බොහෝ දෙනාගේ අවධානයට ලක්‌වුණු ක්‍රීඩකයන් අතරට බර්මියුඩා රටේ ලිවර්රොක්‌ ක්‍රීඩකයා සමත්වුනා. ඒ ඔහුගේ තරබාරූ කම නිසා. තරබාරූ කම ක්‍රීඩකයෙකු වීමට බාධාවක්‌ උවත් මේ දැවැන්ත ක්‍රීඩකයාගේ දක්‍ෂතාවය යම් උසස්‌ මට්‌ටමක පැවතුනා. ක්‍රීඩා පිටිය තුල විචිත්‍ර රංගනයක්‌ ඉදිරිපත් කරමින් ඔහු බොහෝ ක්‍රීඩා ලෝලින් ගේ ආදරයට හා අවදානයට පාත්‍ර වුණා. ඔහු වෘත්තියෙන් පොලිස්‌ නිලධාරියකු ද වෙනවා.

මම මොහු ගැන ලියන්න ගත්තේ, එක්‌ විශේෂ කාරණාවක්‌ නිසා. අපේ ක්‍රිකට්‌ නායකයා, මහෙල ලෝක කුසලානයට පෙරාතුව, නායකයෙකු හැටියට ලෝකයේ ඉහලම මට්‌ටමට පැමිණ සිටියත් පිතිකරුවෙකු හැටියට දිගින් දිගටම අසාර්ථක වෙමින් හිටියේ. ඔහු ලෝක කුසලානයට පෙර පැවති බොහෝ තරඟ වලදී පන්දුවට පහරදීමට පැමිණ පන්දු 3 , 4ක්‌ ඇතුලත ස්‌ලිප් ස්‌ථානයට උඩපන්දුවක්‌ දෙමින් දැවී ගිය අයුරු ක්‍රිකට්‌ තරඟ නරඹන ඔබට මතක ඇති.

බර්මියුඩාව සමග පැවති පළමු තරඟයේදීම මහෙල පිටියට පැමිණි විලස සුපුරුදු උඩපන්දුව ලබා දුන්නා. හැබැයි අපේ කතානායක ලිවර්රොක්‌ එම පහසු උඩ පන්දුව අත හැරියා. මේ හේතුව නිසා මහෙල ගේ තිබුණු සියලු දෝශ දුරු කරමින් ලෝක කුසලානය පුරාවට හා ඉන් අනතුරුව පැවති හැම තරඟයකදීම සාර්ථක පිතිහරඹයක නිරත වුණා. මහෙල යලිත් පිතිකරණය අතින් සාර්ථක වීම ශ්‍රී ලංකා ක්‍රිකට්‌ වලට මාහැගි උපකාරයක්‌.

මෙවැනි අවස්‌තාවලදී අපේ ගම් වල භාවිතා වෙන විදිහට මම මේ බ්ලොග් සටහනේ මාතෘකාව ලියලා තියෙන "මහෙලගේ මස්‌තේ කැඩූ තඩියා" කියන එකේ අදහස දැන් ඔයාලට පැහැදිලි වෙනවා ඇති. කොහොම වුණත් ලිවර්රොක්‌ අපේ ක්‍රිකට්‌ වලට කලේ ලොකු උපකාරයක්‌. ඔහුට මගේ හෘදයාංගම ස්‌තූතිය පුද කරමි.

පරිගණක පරිභාෂිත වචන වලට සිංහල වදන් එකතුව

අදහසක්‌ පමණි.

පරිගණක සම්බන්ධ පාරිභාෂිත වචන සියල්ලකටම සිංහල වචන යෝජනා කිරීම හා යොදා ගැනීම ඉතා හොඳ කටයුත්තකි.එහි අරමුණ වන්නේ සිංහල පමණක්‌ දන්නා හෝ මද පමණින් ඉංග්‍රීසී භාවිතා කරන්නන්ට සමත් අයට පරිගණකය භාවිත කිරීමේදී අත්විදීමට සිදුවන අපහසුතාවයන් මග හරවා ගැනීමට උපකාරයක්‌ වශයෙනි. දැනටමත් අප යොදා ගන්නා වචනවල කිසි අඩුපාඩුවක්‌ මම නොදකිමි. නමුත් ඒ වචන කොතෙක්‌ දුරට සරල දැයි මට ඇත්තේ ප්‍රෙහෙලිකාවකි. මන්ද යොජනාවී ඇති හා යොදාගන්නා සමහරක්‌ සිංහල වචන සරල නොවන බව මගේ හැගීමයි. ඒ වාගේම සරල සිංහල වචන සමහර වදන් සඳහා නොමැති බවද මම දනිමි. ඉතින් එවැනි වචන සඳහා ඉංග්‍රීසි නමම සිංහලෙන් ලිවීම සුදුසු යැයි මම සිතමි.

මෙවැනි දෑ අන්තර්ජාලයේ බ්ලොග් වල ලිවීම ඉතාම භයානක කටයුත්තක්‌ බව මම දිනිමි. මන්ද යත් විවිධ මතිමතාන්තර දරනවුන් විසින් විව්ධ අයුරින් තේරුම් ගැනීමට උත්සාහ කරන බැවිනුත් ඉන් මඩ වරුෂා නෑමට සිදුවන බැවිනුත් ය. එහෙයින් මෙය මගේ අදහසක්‌ පමණක්‌ බවත් පරිගණක භාෂාවට සිංහල වදන් එකතු කරන්නන්ට හා යෝජිතයන් කෙරෙහි අකුල් හෙලීමක්‌ නොවන වග කරුණාවෙන් සලකන්න.

තනකොළ නොබුදිති සිංහ පැටවු..

සති අන්තයේ දෙහිවල සත්තුවත්ත බැලීමට ගියෙමි. ඉතාම කුඩා කාලයේ සත්තු වත්ත නරඹා ඇතිමුත් ඒ ගැන හාංකවිසියක වත් මතකයක්‌ මගේ සිතේ නොතිබිණි.
අහෝ සිංහයන් සැබැවින් දුටිමි. නොයෙක්‌ ආකාරයේ සතුන් එහි සිටියත් මා සිත් ගත්තේ ගාම්භීර සෙයියාවෙන් ඔබ මොබ යන සිංහ රාජයාය.

සිංහයකු වීමේ ආඩම්බරය සියැසින් දුටිමි.

දෙමලිච්චාගේ කුලල් කා ගැනීම - Yellow Billed Babbler

දෙමලිච්චා එහෙමත් නැත්නම් Yellow Billed Babbler අපිට ගෙවත්තේ නිතර දකින්නට ලැබෙන සුලභ පක්‍ෂියෙකි. දෙමලිච්චො අතරත් භූමිය පිළිබඳ යුද්ධ ඇති බව ඔබ දන්නවාද?

මෙම කුරුළු විශේෂය රංචු වශයෙන් ජීව්ත්වන අතර ඒ ඒ රංචු තම රංචුවට අදාල කොටසක තම අනසක පතුරුවා ගනිමින් ජීවත් වෙති. එම කොටස සාමාන්‍යයෙන් වතු 2,3 කට සීමා වේ. වෙනත් රංචුවකට අයත් දෙමලිච්චෙක්‌ තමන්ට අයිති භූමී ප්‍රදේශයට ඇතුළු වුවහොත් ඔවුන් යුධ ප්‍රකාශ කරති. එවිට ඇතිවන්නේ මහත් කලහකාරී සටනකි. එකම වර්ගයකට අයත් කුරුළු විශේෂයක්‌ වුවත් ඔවුන් අතරත් දරුණු ගැටුම් ඇතිවේ.

දෙමලිච්චාට මේ නම දැම්මේ කව්ද දන්නේ නෑ ????

අප්පච්චිට නිවන් සැප ලැබේවා.

අද ජූනි මාසේ 11 වෙනිදා, අදට අපේ අප්පච්චි අප අතරින් සමුගෙන අවුරුදු 8 යි. ඒ කියන්නේ 1999 ජූනි 11 වෙනිදා තමා අපේ අප්පච්චි අප අතරින් සදහටම සමුගත්තේ.

ඔබ වෙනුවෙන් වසරක්‌ පාසාම කරන දානමය පුන්‍ය කර්මය මෙවරත් අපි 17 වෙනි දින කුණ්‌ඩසාලේ මහමෙවුනා පංසලේ දී සිදු කරනවා. සසර වසන තුරු ඔබ අපගේම අප ඔබගේම වේවා.
චතුරාර්ය සත්‍ය අවබෝධ වී ඔබට නිවන් සැප ලැබේවා.
ඔබේ ආදරණිය බිරිඳ මාලනී ගොඩකුඹුර ඇතුලු දරුකැල ජාලිය, නිලන්ත, තුසිත, සාලිය

පාලී භාෂාව මුල සිට

ගෞතම බුද්ධ රාජ්‍ය වෙබ් අඩවිය මගේ ඇස ගැටුනේ, මම මගේ නම ගූගල් හී Search කරනවිට. ඒත් මම පුදුම වුණා ඒ කොහොමද මගේ නම මේ වෙබ් අඩවියට ගියේ කියලා. පස්‌සේ තමා වැටහුණෙ ඔවුන් ගේ මෙම වෙබ් අඩවිය සඳහා කපුටා සිංහල යුනිකේත භාවිතා කරන බැවින් මගේ නමත් ඒ අතරට සම්බන්ධ වෙලා. මට කියාගන්න බැරි සතුටක්‌ දැනුනා මොකද පූජ්‍ය කිරිබත්ගොඩ ඥාණානද්ද හිමිපාණන් ඇතුලු මහමෙවුනා අසපු තුලින් ශ්‍රී ලාංකික බෞද්ධ ජනතාවට කරන සේවය අපිරිමිතයි.

මම මේ වියුණ සටහන ලියන්න ගත්තේ පාලී භාෂාව ඉගෙන ගන්න කැමති අයට ඔන්න මහමෙවුනා වෙබ් අඩවියේ ඉතා පැහැදිලි හා අගනා ලිපි පලවෙනවා.
මෙන්න එහි වෙබ් ලිපිනය : http://www.gautamabuddha.org/pali_lesson_index.htm

Sinhala Unicode : U+0D80 - U+0DFF

The Sinhala Script, also known as Sinhalese, is used to write the Sinhala Language, the majority language of Sri Lanka, formerly Ceylon. It is also used to write the Pali and Sanskrit languages. The script is a descendant of Brahmo and resembles the scripts of Sount india in form and Structure.

Sinhala differs from other languages of the region in that it has a series of prenasalized stops that are distinguished from the combination of a nasal followed by a stop. In other words, both forms occur and are written differently.

for example:
අඬ [ U0D85 + U0DAC ] - a.Nda "sound" versus
අණ්‌ඩ [ U0D85 + U0DAB + U0DCA + U0DA9 ] - a.n.da "egg".

In addition, Sinhala has separate distinct signs for both a short and long low front vowel sounding similar to the initial vowel of the English word "apple," usually represented in IPA as U00E6( ae ). The Independent forms of these vowels are encoded at U0D87 and U0D88; the corresponding dependent forms are U0DD0 and U0DD1.Because of these extra letters, the encoding for sinhala does not precisely follow the pattern established for the other indic scripts ( Eg : Devanagari ), but does use the same general structure, making use of phonetic order, matra reordering, and use of the virama ( U0DCA sinhala sign al-lakuna) to indicate conjunct consonant clusters. Sinhala does not use half-forms in the Devanagari manner, but does use many ligatures.

http://www.kaputa.com/sinhalaunicode

විහිලු කාටුන් - Funny toons

බටනලාව - The Flute

එක්‌තරා පියෙකු කෝප සහගත මුහුණෙන් යුතුව සංගීත භාණ්‌ඩ විකුණන වෙළද සැලක්‌ වෙත පැමිණියේය. එහි වෙළද මහතා ඇමතූ ඔහු මෙසේ කියා සිටියේය.

පියා : මොකද මනුස්‌සයෝ තමුසේ කරලා තියෙන මේ පිස්‌සු වැඩේ. තමුසේ මගේ පුතාව රවට්‌ටලා රුපියල් 100කට මේ වැඩකට නැති බටනලාව විකුණලා තියෙන්නෙ?
වෙළඳ මහතා : ඇයි මහත්තයෝ මොකද බටනලාවට වෙලා තියෙන්නේ ?
පියා : මොකද වෙලා තියෙන්නේ තමා, බලනවා මේ බටනලාවේ හැමතැනම හිල් විදලා

හහ් හහ් හා.....

සිංහල සින්දු වල ස්‌වර ප්‍රස්‌තාර - Sinhala Music Notation

සිංහල සින්දු වල ස්‌වර ප්‍රස්‌ථාර තියෙන වෙබ් අඩවියක්‌ හොයාගන්න වත් නැති තරම්. ඉතින් මම හිතුවා අපේ ( කපුටා එකේ ) සංගීත වෙබ් අඩවියේ , ඒ කියන්නේ මල්කොහා වෙබ් අඩවියේ සංගීත ස්‌වර ප්‍රස්‌ථාර වලටම වෙනම අංශයක්‌ එකතු කරන්න. අනික අවුරුදු ගාණක්‌ සංගීත කණ්‌ඩායම් වල සෙල්ලම් කරලා එකතු වුණ ස්‌වර ප්‍රස්‌ථාර ටික නිකම්ම වේයෝ කනවට වැඩිය හොඳයි කාට හරි ප්‍රයෝජනවත් වෙන වැඩක්‌ කරන එක.

ඉතින් තවම ප්‍රස්‌ථාර ස්‌වල්පයයි එකතු කරන්න ලැබුනේ. ඉදිරියේදී මා සතු සියල්ලම මේ අඩවිය මගින් එළි දක්‌වන්න මම බලාපොරොත්තු වෙනවා.ගිටාර් ගහන, ආධුනික සංගීත කණ්‌ඩායම් වල නංගිලා, මල්ලිලා, අයියලා, අක්‌කලා, නැන්දලා, මාමලා විතරක්‌ නෙවෙයි ආචිචිලා සීයලාට උණත් මේ වෙබ් අඩවිය ප්‍රයෝජනවත් වේවි කියලා මම හිතනවා.

http://www.malkoha.com/notation.php

My Flickr Photo Site - මගේ ෆොටෝ අඩවිය

මට අමතක වෙලා තිබුණ දෙයක්‌ අනුරාධ රත්නවීර මහත්තයා මතක්‌ කරලා දුන්නා. ඔයාට බොහොම ස්‌තූතියි මහත්තයෝ. මොකද මට ෆ්ලිකර් ( Flickr ) වෙබ් අඩවිය අමතක වෙලා තිබුණේ. මම අලුත් පින්තූර ටිකක්‌ දාලා නැවත ෆ්ලිකර් ( Flickr ) වෙබ් එක අළුත්වැඩියා කරා.

http://www.flickr.com/photos/randunu/

මට ඉස්‌සර මාර පිස්‌සුවක්‌ තිබුනේ කැමරාව ඇරගෙන ගම වටේ යන්න. ආමි ( Armi ) එකේ අයියා කෙනෙක්‌ගෙන් ඉල්ලගත්ත කැමා කිට්‌ එක ඇදගෙන මගේ වැඩේ කුරුල්ලො පස්‌සේ දුවන එක. හැබැයි ඉතින් කුරුල්ලොංගෙ ෆොටෝ ( Photo ) වලට වැඩිය වදින්නේ වෙන වෙන ෆොටෝ. ඒ ගත්තු ෆෝටො අපේ ශ්‍රී ලංකා ෆොටෝ ෆ්ලිකර් ග්‍රෲප් එකේ දාල තියෙන්නෙ. සමහර වෙලාවට මම ගත්ත හොඳ ෆොටෝ ( Public )පබ්ලික්‌ එකේ දාන්න පොඩි ලෝබ කමකුත් ඇති වෙනවා. ඉතින් කොම්පියුටර් එකේ පුරවගෙන හිටියා කියලා ඇති ඵලයකුත් නෑනේ. ලඟදි නම් ෆොටෝ ටුවර් ( Photo Tour ) එකක්‌ යන්න බැරි වුණා මොකද මේ දවස්‌වල අතේ වැඩියෙන්ම තියෙන්නේ කැමරාව නෙවෙයි..මගේ ආදරණීය ගිටාර් ( Guitar )එක.

අනුරාධ මහත්තයා මතක්‌ කරාට පස්‌සේ ආයෙත් ෆොටෝ ටුවර් එකක්‌ යන්න ආස හිතුනා. ඒත් කාලය තමා ප්‍රශ්නේ. මේ දවස්‌ වල මට කාලය ෆ්ලැටිනම් ( Platinum ) හා සමානයි. වෙලාවක්‌ ආවෝත් ෆොටෝ අරගෙන අප්ලෝඩ් ( Upload ) කරන්නම්. එතකන් මේ ෆොටෝ ටික බලන්න.

http://www.flickr.com/photos/randunu/

මේ සිංහල අපගේ රටයි.

மே சிங்கல அபகே ரடயி
அப இபடென மரென ரடயி
அப கட பண கஹென ரடயி
முளு லொவ ஏ ரடட யடயி

மவ்பிம வெனுவென் டெரணே
டிவிடுன் விரு டருவங்கே
லே வலினுயி மே டெரணே
மினி கெட முது கெட மெவுனே.

ඔන්න ඔන්න ඉතින් රන්දුනු පටන් ගත්තා ජාතිවාදී කතා කියන්න කියලා කවුරු හරි හිතන්න බැරි නෑ. මගේ දෙමළ, මුස්‌ලිම්, බර්ගර්, මැලේ ඇතුළු මෙකී නොකී හැම යාලුවෙක්‌ ම තරහ වෙන්න එපා මේ විදිහට ලියන එකට. නමුත් නන්දා මාලනී මහත්මිය ගායනා කරන මේ සින්දුවේ තියෙනවා මහා ගැඹුරු අදහසක්‌. මේක සිංහල රට කියලා කියන එකේ කිසිම වැරැද්දක්‌ නෑ..මොකද සිංහල මිනිස්‌සු ඉන්න ( ඉපදෙන ) එකම රට මේ රට හින්දා.

මගේ අත්දැකීම් අනුව කවුරු හරි සිංහල කම ගැන කථා කරද්දී, හැම විටම ඒ ගැන කතා වෙන්නේ ඔන්න ඔන්න ඉතින් ජාතිවාදය කියලා. හැබැයි අනික්‌ ජාතියක කෙනෙක්‌ කතා කලොත් තම ජාතිය ගැන කථා කරාම,.... අන්න එතකොට ප්‍රශ්නයක්‌ නෑ මොකද ඒවා ගැන කියන්නේ ඒ මිනිසුන් ගේ අයිතියක්‌ නේ තමංගේ ජාතියට හිමි තැන ගැන කතා කරන්න කියලා. කවුරු කොහොම කීවත් මේක ශ්‍රී ලාංකිකයන් ගේ රට.. මෙහි ජීවත්වන බහුතර ජන වර්ගයට එහි විශේෂ අයිතියක්‌ තියෙන්න ඕන. එහෙම කිවුවට අනෙක්‌ ජාතීන්ට අයිතියක්‌ නැහැ කියන එක නෙවේ.

පෘතුගීසී, ලන්දේසී, ඉංග්‍රීසී ඇවිත් තමා මේ රට බේද බින්න කලේ. සමහරු නම් කියනවා සුද්දා ආවේ නැතිනම් අපේ රටේ පාරවල්, කෝච්චී තියා කිසිදෙයක්‌ නැති වෙන්න තිබුණා කියලා. ඒ කතාවෙත් යම් සත්‍යතාවයක්‌ තිබුණට අමතක කරන්න එපා ලංකාවේ අතීතයේ හිටපූ රජවරුන්ට ගුවන් යානා පවා තිබිලා තියෙනවා. ( රාවණා රජ්ජුරුවො ගේ ඳඩු මොණර වාහනේ ) ඒවා සුරංගනා කතා කියලා අහක දාන්න බැහැ මොකද මොකක්‌ හරි ඒ වගේ යන්ත්‍රයක්‌ තිබ්බේ නැතිනම් මේ වගේ කතා ගෙතෙන්නේ නැහැනේ. ඒ වගේම තමා කාශ්‍යප රජුගේ සීගිරිය, සුද්දා ඉඳලද ඒ වගේ නිර්මාණ කරේ. සමහර විට සුද්දා මේහෙ ආවේ නැත්තම් අපි මීට වැඩිය දියුණු වෙලා, රජකෙනක්‌ යටතේ සාර්ථක රාජ්‍යක්‌ වෙන්නත් තිබුණා.. මොන තර්ක ඉදිරිපත් කලත් ඒක එහෙම නොවෙයි කියල කියන්න බැහැ.

කොහොම උණත් මේ මම සිංහල කම ගැන ලියන පළමු හා අවසාන ලිපිය. මගේ යාළුවනේ කිසි කෙනෙක්‌ තරහ වෙන්න එපා මේ විදිහට ලිවුවා කියලා. මේක අන්තවාදී ලිපියක්‌ කියලා තරහ ගන්න එපා. කරුණාකරලා මම කියල තියෙන්නේ මොකක්‌ද කියලා විතරක්‌ හිතට ගත්තාම ඇති.

Top 10 Tips for Great Pictures

Do you wish you were a better photographer?
All it takes is a little know-how and experience.
Keep reading for some important picture-taking tips.

Click here to read the Article

මම දුක්‌විඳලා ගත්ත ෆොටෝ එක

මේ කුරුමිණියාගෙ ෆොටෝ ( Photo ) එක ගන්න මම පුදුම දුකක්‌ වින්දේ. මූ වගේ එක විදිහට ඉන්න බැරි( අපේ කිරි අම්මලා කියන විදිහට "දහංගලේ" එහෙමත් නැත්නම් "තුනිංචිය" ) සතෙක්‌ මගේ ෆොටෝ ජීවිතේ මට හමුවෙලා නැති තරම්. මේ ලී දන්ඩට ෆෝකස්‌ ( Focus ) කරගෙන කොච්චර වෙලා හිටියද, මූ එනවා වහනවා තත්පර භාගයක්‌ වත් ඉන්නෙ නෑ ආපහු යනවා. ගොඩක්‌ ෂොට්‌ ( Shot ) බොඳ ( Blur ) වෙලා වැදුනේ මෙයා ඉගිලෙන ඒවා. පස්‌සෙ අත ඇරලා දාන්නත් හදලා අහම්බෙට වගේ මේ Shot එක වැදුනා.

මේක ලියද්දි මට මතක්‌ වුනේ අපේ කිරි අම්මලාගේ කිරි අත්තලාගේ වචන. අද සමහරු ඔය තුනිංචිය කියන වචනේ එහෙම දන්නෙවත් නැති තරම්. තුනිංචිය කියල කියන්නේ දඟකාර කියන එකටම තමා. මට මතකයි අපේ කිරි අම්මා අපි මොනා හරි වැරදි වැඩක්‌ කරාම බනින්නේ " අනේ මේ බමුණා " කියලා මිසක්‌ දැන් කාලේ වගේ සත්තු වත්තේ සත්තුන් ගේ ( සිංහයා ඇරෙන්නෙ ) නම් කියලා නෙවේ. මම කිවුවේ උදාහරණයක්‌ හැටියට " අනේ මේ බූරුවා/ හරකා / එළදෙන " වගේ. අපේ පැරැණ්‌නන් ගේ බැනුමේ උනත් නම්බුකාරයි කියලයි මට හිතෙන්නේ.

Sarala Kariyawasam - සරලා කාරියවසම්

ලොව හොඳම ළමා නිළිය වශයෙන් සම්මාන දිනූ සරලා දියණිය ගැන යමක්‌ නොලියා කොහොමද? මම දන්න කාලෙක මෙවැනි සම්මානයක්‌ ලැබූ ප්‍රථම ශ්‍රී ලාංකිකයා වෙන්නේ සරලා.

කලින් සරෝජා චිත්‍රපටියේ රඟපාපු නිත්‍යවණි ටත් සම්මාන ලැබුනා නමුත් මේ සම්මානය ඊට වඩා ලොකු සම්මානයක්‌ බවයි මගේ හැගීම.
කොහොම උණත් ලංකාවේ නම ජාත්‍යන්තරයට ගෙනියන්න ඔබ දුන්න දායකත්වයට මගේ හද පිරි කෘතඥතාවය පුද කර අතරම ඔබේ අධ්‍යාපන කටයුතු මෙන්ම කලා කටයුතුද සර්වප්‍රකාරයෙන්ම සාර්ථක වේවායි මගේ හද පිරි සුභ පැතුම් !!!

සිංහල සංගීතය සහ මම

මම ගොඩාක්‌ වෙලාවට සර්ව සාධාරණ විදිහට හිතන්ට පුරුදු වෙලා තියෙන්නේ. නමුත් ඒක එච්චර හොඳ දෙයකුත් නෙවෙයි මේ ලෝකේ ජීවත් වෙනකොට. මම ලංකාවේ සංගීත ක්‍ෂේත්‍රය දිහා බලන්නෙත් ඒ ඇසින් මයි. කවුරු කොහොම හිතුවත් මම නම් හැම වර්ගයකම සින්දු වලට ආසයි. ජන ගීත වල ඉදන් හිප් පොප් (Hip Pop) වලට යනකන් තියෙන ඕනෑම එකක්‌ මට රස විදින්න පුලුවන්. හැබැයි ඉතින් ඒ රස වින්දනය හැම එකකටම එක විදියට නැහැ.

මමත් තරමක සංගීතය ගැන දැනුමක්‌ ඇත්තෙක්‌. ඒ මම සංගීත කණ්‌ඩායමක සාමාජිකයෙක්‌ වෙලා හිටපු නිසා මිසක්‌ වෙනම සංගීතය ඉගෙන ගෙන නැහැ. ඇහෙන දකින දේ අත්හදා බලල යමක්‌ ඉගෙන ගත්තා ඇරෙන්න පොතේ දැනුම නම් නැහැ.යම් ගීතයක ගුණ අගුණ එකිනෙකාට පෙනෙන්නේ එක එක විදිහට. හැබැයි ඉතින් ඔය ගුණ අගුණ තෝරන විට හැමෝම අමතක කරන එක දෙයක්‌ තියෙනවා. ඒ ගීතය ලියපු, තනුව හදපු , ගයපු කෙනාගේ දක්‍ෂතාවය මත තමා ගීතය හොදද නරකද කියල තීරණය වෙන්නේ. ප්‍රවීණයෙක්‌ නම් බොහෝ දුරට එම නිර්මාණය සාර්ථක යැයි හැමෝම පිළිගනියි. ආධුනිකයෙක්‌ කරානම් ඉතින් හොඳ නරක දෙකටම එක වගේ පිරිසක්‌ ඒ නිර්මාණය වටා රොක්‌වෙයි.

මම නම් බලන්නේ කාගේ වුණත් උත්සාහ අගය කිරීමත් සමගම එම නිර්මාණය රසවිදින එකයි. මොකද සමහරු යම් නිර්මාණයක්‌ අපෝ ඒක චාටර් කියල අහක දාන අවස්‌තා මම එමටවත් දැකල තියෙනවා. හැබැයි එහෙම කියන කෙනෙක්‌ට සමහර විට කවියක්‌ තියා නිසැදසක්‌ වත් ලියා ගන්න බෑ. ඒ නිසා කවුරු පිලිගත්තත් නැතත් මම නම් මොනයම් හෝ නිර්මාණකරුවෙකුගේ ඒ අහිංසක උත්සාහට නිගරු කරන්නේ නැහැ.

අනුකම්පා සිතින් හරි හැම නිර්මාණයක්‌ ම රස විදින්න පුරුදු වෙන්න.
http://www.malkoha.com/

What is Sinhala Unicode ? Simple way to understand

සිංහල යුනිකෝඩ් යනු කුමක්‌ද? සරල සිංහලෙන්.
සිංහල යුනිකෝඩ් ( Unicode ) යනු කුමක්‌ද කියා බොහෝ දෙනාට නියම අදහසක්‌ තවම නැහැ. මොකද සරල විදිහට මේ ගැන සඳහනක්‌ අන්තර්ජාලය ( Internet ) තුල සොයා ගන්නට නැති තරම්. මම මෙහි සඳහන් කරන්නේ මට තේරෙන විදිහට සිංහල යුනිකොඩ් යනු කුමක්‌ද කියා පමණයි. මොකද මම කපුටා යුනිකෝඩ් ෆොන්ට්‌ එක හදනකොට ලැබුණු අත්දැකීම් වලින් පමණයි මේ ලියන්නේ.

අපිට ඉස්‌සර සිංහල ෆොන්ට්‌ ( Font ) කියල තිබුනේ කැන්ඩි, අරලිය, සන්ද්‍යා, තිබස්‌ වැනි අකුරු විශේෂයන්. මේ සියල්ලක්‌ම ඒ ඒ නිර්මාණ ශිල්පියා හෝ ආයතනයේ ප්‍රමිතියකට අනුව නිපදවපු අකුරු. මේවට ඇංසි ෆොන්ට්‌ ( Ansii ) කියලත් කියනවා. මේ හේතුව නිසා එක ෆොන්ට්‌ වර්ගයකින් කරන ලිපියක්‌ තවත් ෆොන්ට්‌ වර්ගයක්‌ තියෙන කොම්පියුටර් එකක බලන්න බෑ. හරියට බලි රූප වගේ පෙනෙන්නේ. උදාහරණයක්‌ ලෙස කියනවා නම් කැන්ඩි ෆොන්ට්‌ එකෙන් කරපු ලිපියක්‌ සන්ධ්‍යා ෆොන්ට්‌ එක තියෙන කොම්පියුටර් එකකින් බලනකොට ඒක පේන්නේ තේරුම් ගන්න පුලුවන් විදිහට නෙවෙයි. සිංහලෙන් කියනවනම් මහ අංජබජල් විදිහට තමා ඒව පෙන්නුම් කරන්නේ. ඉතින් මේ යුනිකෝඩ් ආවට පස්‌සේ ඒ වගේ ප්‍රශ්නයක්‌ නැහැ. මොකද කපුට යුනිකොඩ් ගත්තත් ඉස්‌කෝල පොත හෝ මලිති වෙබ් ෆොන්ට්‌ ගත්තත් යුනිකෝඩ් වගුවේ ( Unicode Table ) එකම ස්‌ථානයක තමා මේවා හදල තියෙන්නේ.

ඒ කියන්නේ සිංහල 'අ' අකුරට යුනිකොඩ් වගුවේ හිමි අංකය ( ස්‌ථානය ) ( U+0D85 ) මොන සිංහල යුනිකෝඩ් ෆොන්ට්‌ එකක උනත් තියෙන්නේ එකම තැනක. මේ හේතුව නිසා සිංහල යුනිකෝඩ් වලින් කරන ලද ලිපියක්‌ ඕනෑම තැනක කිසිම ප්‍රශ්නයක්‌ නැතුව පෙන්නුම් කරනවා.

යුනිකොඩ් වගුවේ එක්‌ එක්‌ භාෂාවන්ට හිමි රේංජ් ( Range ) එකක්‌ තියෙනව. ඉන් අපේ සිංහල භාෂාවට හිමි රේංජ් එක වන්නේ ( U+0D80 – U+0DFF )

හැබැයි ඉතින් ඔය සිංහල යුනිකෝඩ් හරියට තාම හැම කොම්පියුටරයකම පෙනෙන්නේ නෑ. ඒකට විසදුම හෝයා ගන්න මෙන්න මේ වෙබ් ලිපිනය මගින් පුලුවන්.
http://www.info.lk/slword/kaputaunicode.htm

මේක ඇස ගැටෙන හරි කාට හරි මේ පිලිබඳ තවත් අපැහැදිලි නම් මට ලියන්න. මම පුලුවන් විදිහට කියලා දෙන්නම්. හැබැයි ඉතින් විද්වතෙක්‌ ගේ පැහැදිලි කිරීමක්‌ නම් බලාපොරොත්තු වෙන්න එපා.

පලමු වතාවට බ්ලොග් ලියමි

බ්ලොග් කියලා අහල දැකල තිබුණට තවමත් මට හරි අදහසක්‌ නෑ මොනවට මේ බ්ලොග් ලියනවද කියලා. හොදම දේ තමයි බ්ලොග් ලියලම තමයි මේක ගැන දැන ගන්න වෙන්නේ. ඒ නිසා මම හිතුවා දිගට හරහට බ්ලොග් ලියලම පුරුදු වෙන්න. මම හිතන්නේ මේ වගේ වල්පල් වගේම වැදගත් වෙන දේවල් ලියලා බ්ලොග් සයිට්‌ එකේ පෝස්‌ට්‌ කරන එක තමා මේ බ්ලොග් වල අරමුණ..

First Time in Blog

I've heared about this blog thing long years ago. But still i don't have a good idea by Keeping a blog site. I've also surf so many blog sites of my friends. But why this is..

Okey.. So i thought the best to learn what is Blogs ? is been with a Blog.
So.... This is my first Posting to My blog and I'm going to Learn about this Blog Site A-Z.