මම බෞද්ධ, කතෝලික, ඉස්ලාම්, හින්දු හෝ වෙනත් ආගමික සංවිධානයක සමාජිකයෙක් හෝ පණිවිඩ කාරයෙකු නොවෙමි. නමුත් පෝයට පමණක් පන්සල් යන, බිරිඳ කිතුනුවකු නිසා මාසයකට හෝ දෙකකට සැරයක් පල්ලියට යන අයෙකු වෙමි. මූලධර්ම වාදී සංවිධාන ගැන මගේ දැනුමක් නොතිබුණ යුගයක එය එතරම් වැදගත් කරුණක් යැයි නොහැගුණ මුත් මෑතකදී සියැසින් හා දෙසවනින් ලද සාක්ෂි අනුව එය කෙතරම් දරුණු සමාජ අසාධාරණයක් ද යන්න මට පිළිබිඹු විය.
මේ සටහන ලියන්නේ ඒ සඳහා ගෙනයන අරගලයකට කියවන ඔබ දායක කර ගැනීමක් නොවන බව කරුණාවෙන් සලකන්න. මාගේ උත්සාහය මෙන්න මෙවැනි දේවල් ඔය කියන සංවිධාන වල, ආගම් වල සිදුවෙනවා යන්නය.
නමින් මේ සංවිධානය "යොහෝවාගේ සාක්ෂී කාරුවෝ " නම් වෙති. කින්ඩම් හෝල් යනු ඔවුන් ගේ පිළිවෙත් ඉටු කරන පංසල, පල්ලිය වැනි ස්ථානයකි. මාගේ බිරිඳ ගේ ඥාතියෙකු මේ ආගම අදහයි.
ලිවීමට බොහෝ දේ ඇතත් සරල කරුණු කිපයකින් දරුණු බව පෙන්වා දීමට කැමැත්තෙමි.
1. දෙමවුපියන්ට, වැඩිහිටියනට ගරු බුහුමන් දැක්වීම හෝ වැදීම නොකට යුත්තකි. ( දැන් ඔබ ඔබේ ආගමේ හැටියට වැඩිහිටියන් නමස්කාර කිරීම කෙතරම් උතුම් කරුණක් ද යන්න එය නොකිරීම හෝ වැලකී සිටීම කෙතරම් පවට කරුණක් ද යැයි දන්නවා ඇති )
2. තමාගේ මව හෝ පියා හෝ වෙනයම් කවරෙකු වේවා ඉහත කී ඔවුන් ගේ ආගම අතහැර යන්නේ නම් මව වුවද, පියා වුවද කම් නැත ඔහු හෝ ඇය අත හැර ආගම අත් නොහල යුතුය. ( ඔබේ ආගමේ කිසිම තැනක දෙමවුපියන් අතහැරීමක් ගැන සඳහන් කොට තිබේද ? නමුත් ඉහත කී පවුලේ දරුවන් එය සිදු කිරීමට ( පියා අතහැරීමට ) සුදානමින් සිටියි )
3. බුදුහාමුදුරුවන්, ජේසුස් ක්රිස්තූස් වහන්සේ , අල්ලා දෙවියන් හෝ අනෙකුත් දෙවිවරු සාතන් නමින් හඳුන් වයි ( මෙය නම් ඔබගේ ලේ කුපිත කරවන කරුණක් වනු ඇත. විශ්වයේ බිහිවූ විශිෂ්ඨයෝ අගය නොකලත් , මේ අයුරින් හැදිංවීමම කෙතරම් පවක් ද ? ) රූපවාහිණියේ හෝ රේඩියෝවේ අනෙක් කුමන ආගමක වැඩසටහනක් ප්රචාරය වන්නේද සැනකින් එය වසා දැමිය යුතුය.
ලිවීමට තවත් කරුණු ඇතත් මෙවැනි සංවිධාන , ආගම් වල දරුණු කම දැනවීමට ඉහත කී කරුණු කිහිපය ඇති තරම් ප්රමාණවත් වනු ඇත.
ස්තූතියි
